Թե աշխարհում փակ դռներ կան,
թող որ բացվեն այս գիշեր,
Ու Նոր տարին նոր խնդությամբ
թող ներս մտնի այս գիշեր,
Թե կան դատարկ, համր տներ`
մանկան ճիչով թող լցվեն,
Ով փնտրում է սրտանց մեկին`
հանկարծ գտնի այս գիշեր:
Թե կան լացող, տխուր աչքեր,
թող ծիծաղեն այս գիշեր,
Կանչող ձեռքերն իրար հասնեն,
հրաշք ապրեն այս գիշեր:
Թե կան սրտեր` չար նախանձով,
դառնան բարի ու ներող,
Եվ ուրիշի ուրախ կյանքով
խանդավառվեն այս գիշեր:
Թե մոլորված անցորդներ կան,
դարձի թող գան այս գիշեր,
Սրբագործված սիրով մտնեն
իրենց օջախն այս գիշեր,
Թե կան բախտի փշոտ ճամփեք,
թող ծաղկունքով կանաչեն
Ու երջանիկ սպասումով
բոլորն արբեն այս գիշեր…
Թե աշխարհում պանդուխտներ կան,
թող տուն դառնան այս գիշեր,
Հայրենական հավերժությամբ
ողջագուրվեն այս գիշեր:
Մետաքսե
Առաջադրանքներ․
1․ Անծանոթ բառերը դո՛ւրս գրեք և բացատրե՛ք բառարանի օգնությամբ և սովորեք։
համր-լուռ
խանդավառվել-ոգևորվել
սրբագործվել-մաքրվել, մաքրագործվել
դարձի գալ- վատ ուղղուց հրաժարվել, ետ կանգնել
արբել- խմել, հարբել
պանդուխտ- օտար երկրում ապրող մարդ
ողջագուրվել-գրկախառնվել
2․Դո՛ւրս գրեք հականիշ բառեր։
փակ-բաց
համր-ճիչ
դատարկ-լցված
լացել-ծիծաղել
չար-բարի
մոլորվել-դարձի գալ
փուշ-ծաղկունք
Նարե Սուքիասյանի ուսումնական բլոգ 